На почетокот на годината ми се случи нешто што ме измести од мојот еквилибриум на дисциплина, ред и структура. Дозволете ми да бидам јасна овде, ваквите случки не мора да бидат негативни – може да ни се случи и многу пријатна работа и сепак да внесе хаос во нашиот живот. Оваа состојба на хаос ме заинтересира – како можам да ја искористам? Што може да ми донесе? Па така, решив да направам мало истражување на темата и истовремено си дозволив себеси да ги почувствувам придобивките кои ми ги донесе состојбата на хаос.
Зборот „хаос“ потекнува од грчкиот збор „Каос“, што значи „празнина“. Математичарите велат дека хаосот е тешко да се дефинира, но човек лесно може да го препознае кога ќе го види или почувствува – тоа е состојба на тотален неред и збунетост. Бидејќи како човечки суштества ја сакаме предвидливоста, имаме природна желба да го контролираме и уредиме хаосот што не опкружува. Ги планираме нашите денови, недели, па дури и години. Некои дури прават и 5-годишни планови. Но, вистината е дека животот е многу непредвидлив и колку и добро да планирате, не можете да го испланирате неочекуваното.
„Живееме во една манифестирана идеја за тоа што треба да биде форма и во нашето постоење се обидуваме по секоја цена да го одбегнеме хаосот, а тој е многу реален дел од нашите животи; нашето одбивање да го прифатиме хаосот како составен дел од нашето постоење, мислам дека е една од најголемите грешки што ја прави нашата цивилизација.“ Дејвид Боуви David Bowie
Па, што може да ни донесе хаосот?
Со сигурност ни носи непредвидливост и изненадување. Неизвесност, но и новитет. Креативност. Иновации. Спонтаност. Возбуда. Нови идеи. Можности. Радост.
„Без хаос, ние сме премногу стабилни за да се реорганизираме. Премногу сме нефлексибилни за да се прилагодиме и промениме“, вели Ashli Akins во нејзиниот ТЕД говор„Креативноста на хаосот“.“.
Таа исто така вели „…она што е возбудливо во таа точка на хаос, е тоа што во тој момент имаме најголем потенцијал за креативност“.
За да го прифатиме хаосот и да ги почувствуваме неговите придобивки, треба да направиме една работа, што не е така лесна – но, е возможна! Треба да се откажеме од контролата.
Кога ќе пуштиме, почнуваат да се случуваат мали чуда во нашиот живот..
- Престанете да планирате сè и бидете отворени за непланираното.
- Ослободете се од очекувањата од другите или од ситуациите, вие можете да се контролирате само себеси.
- Престанете да контролирате или да се оптоварувате како другите ве доживуваат или како тие се однесуваат, тоа е нивна работа.
- Пуштете го минатото, тоа е таму да ве информира.
- Престанете да ја предвидувате иднината, не можете! Наместо тоа, со раширени раце пречекајте ја неизвесноста. Тоа е крајната слобода
Кога ќе дозволиме животот да се одвива природно, сè станува лесно.
„Мора да имате хаос во себе за да може да родите ѕвезда што танцува.” Фридрих Ниче
,
.
.
Прочитајте повеќе: тука..
За крај…
Finally, the redesign of the VIANLP website is done 🎉
.
За крај…
Мојата порака за месец фебруари е:
Допуштете му на хаосот да влезе во вашиот живот и бидете отворени за она што ќе ви го донесе.
Извори за инспирација и информација:
Извори за инспирација и информација:
Читам, гледам и слушам:
- Womenby Charles Bukowski
- HEALING–Beyond Pills & Potions: Core Principles for Helpers & Healers by Steve Bierman, MD
- My Husbanda selection of stories by Rumena Bužarovska
- Official Competition, Spanish-Argentine film directed by Gastón Duprat and Mariano Cohn with the brilliant Penélope Cruz
- Moonage Daydream, a film by Brett Morgen about David Bowie
- Čokolada – album released 1983 by Idoli, considered to be one of the best selling Yugoslav records